• Ana səhifə |
Subscribe by RSS or RUS
» » Qaraməryəm-İsmayıllı avtomobil yolu yenidənqurmadan sonra istismara verilib

Qaraməryəm-İsmayıllı avtomobil yolu yenidənqurmadan sonra istismara verilib

Yazar Ismayilli
//
15 avgust 2016
//
//
Oxunub 517
//
Avqustun 10-da Azərbaycan Prezidenti İlham Əliyev əsaslı şəkildə yenidən qurulan Qaraməryəm-İsmayıllı avtomobil yolunun açılışında iştirak edib.
Dövlətimizin başçısına məlumat verildi ki, üçüncü texniki dərəcəli avtomobil yolunun hərəkət hissəsinin eni 6 metr idi. Yenidənqurmadan sonra yolun hərəkət hissəsinin eni 7 metrə qədər genişləndirilib, dağılmış suötürücü borular yenilənib, köhnələri bərpa edilib.
Qaraməryəm-İsmayıllı avtomobil yolu yenidənqurmadan sonra istismara verilib
Yolun ikinci kilometrliyində Mehmanlı çayı üzərində qəzalı vəziyyətə düşmüş körpünün də inşası aparılıb. Daha bir körpü Kürdmaşı çayı üzərində tikilib. Nəqliyyat vasitələrinin hərəkətinin tənzimlənməsi məqsədilə yol nişanı və məlumatverici tablolar quraşdırılıb, 12 yeni avtobus dayanacağı inşa edilib.
Diqqətə çatdırıldı ki, yolun əsaslı şəkildə təmir olunması İsmayıllı və Göyçay rayonlarının 30-dan çox yaşayış məntəqəsinin 27 mindən artıq əhalisinin gediş-gəlişini xeyli asanlaşdıracaq. Bundan başqa, Bakı-Şamaxı-Yevlax, həmçinin Bakı-Ələt-Qazax-Gürcüstan ilə dövlət sərhədi avtomobil yollarına maneəsiz şəkildə çıxışı təmin edəcək və regionun turizm sektoruna müsbət təsir göstərəcək.
Dövlətimizin başçısı yolun rəmzi açılışını bildirən lenti kəsdi.

Şərh əlavə et:

Şərh eəlavə et

------------ -----------
Free counters!